نورستان ده ییر سیلجیشی؛ ۱۰ کیشی هلاک بولیب و ۲۵ یشش اوی بوزیلگن
نورستان ده‌گی محلی منبع‌لر، اوشبو ولایتده ییر سیلجیشی عاقبتیده چمه‌سی ۱۰ کیشی هلاک بولگنینی معلوم قیله‌دیلر.
منبع‌لر ۸صبح کونده‌لیگی گه ایتیشلریچه، بو واقعه ۲۹ دلو، یک‌شنبه کیچه ساعت ۱۲:۳۰ اطرافی ده کوچلی قار یاغیشی باعث نورگرام تومنی حدودلری گه قره‌شلی «نکره» دره‌سیده یوز بیرگن.
اوشبو واقعه عاقبتیده کمیده ۲۵ یشش اوی بوزیلگن.
منبع‌لر گه کوره، نورگرام تومنیده ییر سیلجیشی عاقبتیده اۉلگنلر نینگ سانی حاضرگچه نهایی اېمس و تلفات رقمی آشیش احتمالی موجود دیر.
طالبان اوشبو طبیعی واقعه‌نی تصدیقلب بو گروه نینگ قوتقرو تیم‌لری واقعه محلی گه یویاریلگنینی معلوم قیلگنلر.
نورستان ولایتیده بوندن آلدین بو کبی واقعه‌لر یوز بیرگن.
ایتیش کېره‌ک که ایکّی کوندن بیری مملکت نینگ قطار منطقه‌لری قار و یامغیر یاغیش گواهی بولیب و بیر قطار ولایت‌لر نینگ قتناو یوللری یولاوچیلر یوزی گه یاپیلگن.
