برلین‌ده افغان خبرچیلری‌نینگ ییغینی؛ افغانستان‌نینگ سورگونده‌گی یېتکرمه‌لری قیته‌تیکلنسین
۸صبح، کابل: افغانستان نینگ سورگونده‌گی یېتکرمه‌لری همده خلق ارا خبرچیلر ییغینی اۉنلب گزیته‌چی همده عاموی اخبارات واسطه‌لری فعاللری حضوریده آلمانده باشلندی.
اوشبو ییغین «افغانستان نینگ سورگونده‌گی یېتکرمه‌لری قیته‌تیکله‌نیشی، معمالر، فرصتلر اېلگری یۉل» عنوانیده بوگون۲۳- قوس پنج‌شنبه کونی آلمان پایتختی برلین شهریده باشلندی و ایکّی کون دوام اېتیشی کوتیله‌دی.
«سورگونده‌گی خبرچیلر اوچون اروپا صندوق» تامانیدن اۉتکزیلگن بو ییغینده، افغانستان نینگ سورگونده‌گی خبرچیلری وضعیتی و اولرنی کوچه‌یتیریش یۉللری تېکشیریلیشی کوتیله‌دی.
عین حالده، سورگونده‌گی خبرچیلر اوچون اروپا صندوقی (JX Fund) عامل مدیری ییغین بیرینچی کونیده اۉزی نینگ بیانیه‌سیده ایتیشیچه، اوشبو صندوق سورگونده‌گی خبرچیلر همده یېتکرمه‌لرنی کوچه‌یتیریش شیوه‌سی اوچون متعهد دیر.
افغانستان خبرچیلر مرکزی نینگ بیانیه‌سی اساسیده، مذکور ییغینده اروپا، کانادا و امریکا دولتلریده یشاوچی افغانستانلیک۱۵۰خبرچیلر همده عاموی اخبارات واسطه‌لری قتنشگنلر.
افغانستان نینگ سورگونده‌گی یېتکرمه‌لری قیته تیکله‌نیشی باره‌سیده بحث بۉلیشدن علاوه، عیال خبرچیلر رولی و معلومات بېریش یۉلیده اېرکین خبرچیلر معماسی برلین‌ده‌گی خبرچیلر ییغینی نینگ باشقه اساسی موضوعلریدن اېکنی ایتیله‌دی.
بو ییغین طالبلر مملکتگه حاکمیت تېپه‌سیگه کېلگنیدن سۉنگ خبرچیلر همده یېتکرمه‌لر جدی چېکلاولرگه دوچار بۉلگن بیر پیتده اۉتکزیلماقده.
گزارشلرگه قره‌گنده،۲۰۲۱- ییل آگستدن کېین افغانستاندهگی یېتکرمه‌لرنینگ یرمی ایریم دلیللر سبب باغلندی و یوزلب گزیته‌چی اۉز ایشلرینی قۉلدن بیردیلر.
بونگه قره‌مه‌ی، معلومات بېریش بۉلیمده‌گی قیینچیلیک یېتکرمه‌لر باغله‌نیشی بیلن خلاصه بۉلمه‌ی، طالبان گروهی ایکّی ییل ایچیده کۉپینچه خبرچیلرنی کلتکلب و قیناققه آلگن دیر.
