بیرلشگن ملتلر تشکیلاتی باش کاتبی مهاجرت‌نی باشقریشگه اورغو بېردی
بیرلشگن ملتلر تشکیلاتی باش کاتبی آنتونیو گوترش، مملکتلرنی مهاجرت‌نی باشقریش بۉییچه همکارلیک قیلیشگه چقیرگن.
گوترش، پنجشنبه کونی، ۷ می، ایکس اجتماعی ترماغیده‌گی پیامی‌ده «مهاجرت انقراض اېمس» دېب یازگن.
جناب گوترش دنیاده مهاجرت حالتینی باشقریشده چېگره‌لر، حکومتلر و جمعیتلر اۉرته‌سیده‌گی همکارلیککه احتیاج بارلیگینی تأکیدله‌گن.
بیرلشگن ملتلر تشکیلاتی باش کاتبی‌گه کۉره، انقراض بو دنیانینگ مهاجرت‌نی بیرگه‌لیکده باشقریشده‌گی عمومی موفقیتسیزلیگی دیر.
بو آره‌ده سۉنگگی کونلرده مهاجرت‌گه قرشی سیاستلر کوچه‌ییب بارماقده.
اۉتگن هفته خلق‌ارا عامه‌وی اخبارات واسطه‌لری آلمان ایچکی ایشلر وزیرلیگی افغانستان مهاجرلرینی دیپورت قیلیش اوچون طالبان بیلن باغلنگنینی یازگن.
شونینگدېک، اتریش‌نینگ «دی پرسه» نشری ۳۰-اپریل‌ده اوشبو دولت اۉزبېکستان آرقه‌لی یۉنه‌لیش یره‌تیش آرقه‌لی کۉپراق مهاجرنی افغانستانگه دیپورت قیلیشنی رېجه‌لشتیره‌یاتگنینی خبر قیلگن.
