اۉتگن کون بیر مینگ ۵۰۰ دن آرتیق کیشی مجبوری طرزده افغانستانگه قَیتریلدی
۸صبح، کابل: طالبان اعلان قیلیشیچه، اۉتگن کون ۲۸۷ عایله، جمعی بیر مینگ ۵۳۹ کیشیدن عبارت بۉلیب، مجبوری روشده افغانستانگه قَیتگن.
طالبان‌نینگ سۉزلاوچیسی اۉرین‌باسری حمدالله فطرت، پنج‌شنبه کونی، ۲۹ اسد، ترقه‌تگن بیاناتیده، بو مهاجرلر تورخم، سپین‌بولدک، ایپک یۉلی و اسلام-قلعه چېگره‌لری آرقه‌لی افغانستانگه کیرگنینی معلوم قیلدی.
بیاناتگه کۉره، ۲۲۶ عایله، جمعی بیر مینگ ۲۹۴ کیشیدن عبارت بۉلیب، فقط تورخم چېگره‌سی آرقه‌لی مملکتگه کیرگن.
شونینگدېک، قندهارده‌گی سپین‌بولدک چېگره‌سیدن ۱۰ عایله، نیمروز چېگره‌سیدن ۳۸ عایله و هراتده‌گی اسلام-قلعه چېگره‌سیدن هم ۱۳ عایله مملکتگه قَیتگن.
بو حالت افغانستانلیک مهاجرلر‌نینگ پاکستاندن قَیتیشی و دېپورت قیلینیشی جریانی سۉنگگی آیلرده دوام اېته‌یاتگن بیر پیتده یوز بېرماقده.
