اۉتگن کون ۳۰۰ گه یقین مهاجر عایله مجبورې طرزده افغانستانگه قیتریلگن
طالبان اۉتگن کون ۲۸۸ عایله، جمعی ۱ مینگ ۳۹۹ کیشی مجبوری طرزده افغانستانگه قَیتریلگنینی معلوم قیلدی.
طالبان سۉزلاوچیسی اۉرین‌باسری حمدالله فطرت، چهارشنبه کونی، ۲۸ اسد، ترقه‌تگن بیاناتیده، بو مهاجرلر تورخم، سپین‌بولدک، ایپک یۉلی و اسلام-قلعه چېگره‌سی آرقه‌لی افغانستانگه کیرگنینی اَیتدی.
فطرت‌نینگ اَیتیشیچه، ۲۲۸ عایله، جمعی ۱ مینگ ۱۵۹ کیشی ننگرهارده‌گی تورخم چېگره‌سی آرقه‌لی و آلتی عایله، جمعی ۳۱ کیشی قندهارده‌گی سپین‌بولدک چېگره‌سی آرقه‌لی مملکتگه قَیتگن.
شونینگدېک، ۴۰ عایله، جمعی ۱۵۳ کیشی نیمروزده‌گی ایپک یۉلی آرقه‌لی و ۱۴ عایله، جمعی ۵۶ کیشی هراتده‌گی اسلام-قلعه چېگره‌سی آرقه‌لی افغانستانگه کیرگن.
بو حالت افغانستانلیک مهاجرلرنی پاکستاندن قَیتریش و چیقریب یوباریش جریانی سۉنگگی آیلرده دوام اېته‌یاتگن بیر پیتده یوز بېرماقده.
مینگلب افغان عایله‌لری مهاجرلرگه نسبتاً باسیملر‌نینگ کوچه‌ییشی و دېپورتسیاستی‌نینگ عملگه آشیریلیشی آرتیدن پاکستاندن افغانستانگه قَیتگن.
