پاکستان قماقخانه‌لردن۲۵۰ نفردن آرتیق افغان مهاجری آزاد اېتیلدی
۸صبح، کابل:طالبان نظارتیده‌گی مهاجرلر و قیتیب کېلووچیلر وزیرلیگی، پاکستان قماقخانه‌لردن ۲۵۵ نفر افغان مهاجری آزاد اېتیلگنینی معلوم قیلدی.
وزیرلیک، ۹- دلو، پنجشنبه کونی، ترقه‌تگن بیاناتیده اوشبو شخص‌لر جاری هفته دوامیده افغانستان‌گه قیتیب کېلگنینی بیلدیردی.
وزیرلیک معلوماتی‌گه کۉره، آزاد اېتیلگن مهاجرلر ایکی کوندن ایکی آیگچه پاکستان قماقخانه‌لرده سقلنگن.
قید اېتیلیشیچه، اولر سپېن بولدک چېگره اۉتکزیش یولی آرقه‌لی مملکت‌گه قیتگن.
اۉتگن هفته هم طالبان پاکستاندن قریب ۲۰۰ نفر افغان مهاجری آزاد اېتیلگنینی اعلان قیلگن اېدی.
سۉنگگی کونلرده پاکستان افغان مهاجرلرینی حبسگه آلیش و رد قیلیش جریانلرینی کېسکین کوچیتیرگن.
