حدود دن تشقری عملیات؛ پاکستان هند مدافعه وزیری نینگ بیاناتینی تحریک قیلیش اته‌دی
پاکستان تشقی ایشلر وزیرلیگی هند مدافعه وزیری نینگ بو مملکت کوچلری نینگ حدود دن تشقری عملیات یولگه قویش گه دایر سۉنگی بیاناتینی تحریک قیلیش اته‌ب و اونی قاره‌له‌گن.
بو وزیرلیک ۶ اپریل، شنبه کونی بیر بیانیه ترقه‌تیب پاکستان «هندوستان نینگ قانون دن تشقری قتللر و فراملی ترورلر گه علاقه‌دارلیگی حقیده انکار اېتیب بولمه‌یدیگن دلیللرنی» دنیا همجمعیت گه تقدیم اېتگن.
پاکستان تشقی ایشلر وزیرلیگی نینگ بیانیه‌سیده کېلیشیچه: «خلق‌ارا همجمعیت هند نی یامان و ناقانونی حرکت‌لری اوچون مسوول بیله‌دی.»
هند مدافعه وزیری راجنات سینگ مثل‌سیز بیاناتیده، بو مملکت نینگ مامورلری هند حدودی دن تشقری کیشیلرنی اۉلدیریشنی تصدیقله‌گن.
او ۵ اپریل، جمعه کونی سی‌ان‌ان تلویزیونی گه ایتیشیچه، هند مامورلری «ترورچیلیک هجوم اۉیوشتیریش» اوچون اۉرینگنلرنی اۉلدیریش مقصدیده پاکستان حدودلری گه کېره‌دی.
«گاردین» بریتانیا کونده‌لیگی اۉز گزارشیده هندوستان ۲۰۲۰ ییلدن حاضرگچه پاکستانده قریب ۲۰ کیشی اۉلدیرگنینی ادعا قیلگن بیرحالده، سینگ بونده‌ی بیانات بیرگن.
