پاکستان افغانستان تجارلر تاورلری کراچی بندریدن آزاد قیلینیشی اوستیده کېلیشدی
۸ صبح، کابل: پاکستان کراچی بندریده افغان تاجرلری تاورلری یوکلنگن مینگلب کانتینر تۉخته‌تیب قۉییلگنی دوامیده، طالبان‌نینگ اسلام آباده‌گی اېلچیلیگی بو گروه مذکور تاورلر تۉخته‌تیب قۉییلمسیگی تۉغریسیده کېلیشگنلر دېب ایتماقده.
اوشبو اېلچیلیک ۲۵- عقرب پنج‌شنبه کونی اۉزی‌نینگ ایکس ترماغیده پاکستان و طالبان تجارت هیاتلری ارا بۉلیب اۉتگن اوچره‌شووده، مقابل تامان افغان تاجرلری‌نینگ تاورلری یوکلنگن کانتینرلر کراچی بندریده تۉخته‌تیلمسلیگی اوستیده کیلیشگن دېب یازگن.
بو کېلیشوو طالبان صنعت و تجارت وزیرلیگی سرپرستی نورالدین عزیزی و او مملکت تشقی ایشلر وزیری قۉشیمچه تجارت وزیریدن تشکیل بۉلگن هیات ارا کېلیشیلگن.
بو کېلیشوو کوچگه کیریتیلیشی بیلن افغان تاجرلری‌نینگ تاوری یوکلنگن اوچ مینگ کانتینر آزاد بۉلیشی ممکن. مذکور کانتینرلردن بعضیلری حتی بیر ییلدن بیری اوشبو بندرده تۉخته‌تیب قۉییلگنی تیلگه آلینه‌دی.
بو تاورلر تۉخته‌تیب قۉییلیشی بیلن اولرگه باجخانه تعرفه‌سی همده مالیه قۉییلیشی افغانستانلیک تاجرلر میلیونلب دالر زیان کۉرگن.
افغانلر تاجرلری‌نینگ تکراری شکایتیدن سۉنگ طالبلر صنعت و تجارت وزیرلیگی سرپرستی نورالدین عزیزی باشچیلیگیده بیر هیات پاکستان‌گه کېتدی.
ایتیش کېره‌ک که بو موضوع۲۳- عقرب سه‌شنبه کونی عزیزی همده پاکستان تشقی ایشلر وزیری جیلانی عباس همده بو مملکت تجارت وزیری اۉرته‌سیده محاکمه قیلینگن اېدی.
عین حالده، پاکستان همده طالبان صنعت و تجارت وزیرلیگی هنوزگچه بو کېلیشوو حقیده بیرار نرسه دېمه‌گن.
