قالیباف قۉشنی دولتلردن منطقه‌‌نینگ ینگی خوفسیزلیک ترتیبلری حقیده خبرلر آلگنینی معلوم قیلدی
ایران‌نینگ باش مذاکره‌چیسی و اسلامی کېنگش مجلسی باشلیغی محمد باقر قالیباف، قۉشنی دولتلردن منطقه‌ده‌گی ینگی خوفسیزلیک ترتیبلری حقیده کۉپلب خبرلر آلگنینی اَیتگن.
قالیباف شنبه کونی، ۲۲ اگوست، ایکس صحیفه‌سیده یازیشیچه، بو خبرلر خوفسیزلیک مسأله‌لریدن تشقری، اقتصادی همکارلیک ساحه‌سیگه هم عاید بۉلگن.
او اقشنی «زۉرآورلیک و مطلقا بې‌پروالیک» بیلن اسراییل اوچون منطقه‌ده‌گی اتفاقچیلری‌نینگ خوفسیزلیگینی خوف آستیگه قۉیگنلیکده عیبله‌گن.
قالیباف‌نینگ اَیتیشیچه، تینچلیک و خوفسیزلیکنی تأمینله‌یدیگن نرسه ایچکی و مستقل ترتیب دیر.
بو حالت اسراییل و امریکا‌نینگ ایرانگه قرشی اوروشی دوامیده فارس کۉرفزی‌نینگ جَنوبی ساحلیده‌گی عرب دولتلری ایران‌نینگ بالیستیک راکت‌لری و اوچووچیسیز اوچاقلری نشانیگه ایلنگن بیر پیتده یوز بېرماقده.
شو بیلن بیرگه، امریکا و ایران اۉرته‌سیده هرمز بۉغازینی نظارت قیلیش باره‌سیده‌گی ترنگلیک همان دوام اېتماقده و هر ایکّی تامان اونی تۉلیق نظارت قیله‌یاتگنینی دعوا قیلماقده.
