قیزیل خاچ: افغانستانده ۶۱۵ مینگدن آرتیق بېمارگه طبی خدمت کۉرسه‌تیلدی
۸صبح، کابل: خلق‌ارا قیزیل خاچ کمیته‌سی (ICRC) جاری ییل‌نینگ دستلبکی آلتی آییده افغانستانده ۶۱۵ مینگدن آرتیق بېمارگه طبی خدمت کۉرسه‌تیلگنینی معلوم قیلدی.
اوشبو تشکیلات یک‌شنبه کونی، ۱۸-اسد، ایکس صحیفه‌سیده یازیشیچه، شو دورده ۱۰۵ مینگدن آرتیق معلوللیگی بۉلگن شخصگه هم خدمتلر کۉرسه‌تیلگن.
قیزیل خاچ معلوماتلریگه کۉره، عینی دورده افغانستانده ۸۳ مینگدن آرتیق کیشی خوفسیز ایچیملیک سوویدن فایده‌لنیش امکانیگه اېگه بۉلگن.
افغانستانده طبی خدمتلر و خوفسیز ایچیملیک سووی‌نینگ یېتیشمسلیگی همده اولردن فایده‌لنیش امکانیتی‌نینگ چېکلنگنلیگی کوزه‌تیلماقده. انسانپرورلیک تشکیلاتلر اوشبو احتیاجلرگه جواب بېریش اوچون مملکت‌نینگ تورلی حدودلریده فعالیت یوریتماقده.
خلق‌ارا قیزیل خاچ کمیته‌سی هم افغانستانده طبی خدمتلر کۉرسه‌تیش، معلوللیگی بۉلگن شخصلرنی قۉللب-قوّتلش و سوو تأمیناتی ساحه‌لریده فعالیت یوریته‌یاتگن تشکیلاتلردن بیری دیر.
