منطقه‌ده‌گی اۉزگریشلر؛ پاکستان اوردوسی باشلیغی اېرته‌گه ایرانگه باره‌دی
پاکستان اوردوسی باشلیغی عاصم منیر، اېرته‌گه مصلحتلشوولر اۉتکزیش و ایران رسمیلری بیلن اوچره‌شیش اوچون تهرانگه باریشی کوتیلماقده.
تسنیم یک‌شنبه کونی، ۲۳-اگوستده خبر بېریشیچه، بو حقده ایران تشقی ایشلر وزیرلیگی سۉزلاوچیسی اسماعیل بقایی معلوم قیلگن.
خبرگه کۉره، بقایی عاصم منیر یوقاری مرتبه‌لی رسمی هیات باشچیلیگیده ایرانگه سفر قیلیشینی اَیتگن.
بقایی منیر‌نینگ تهرانگه سفریدن مقصد ایکّی تامانله‌مه همکارلیکنی مستحکملش همده پاکستان‌نینگ منطقه‌ده تینچلیک و خوفسیزلیکنی تأمینلشگه یاردم‌لشیش باره‌سیده‌گی سعی-حرکتلری دایره‌سیده ایران رسمیلری بیلن مصلحتلشوولر اۉتکزیش اېکنینی اَیتگن.
بو حالت پاکستان سۉنگگی بیر نېچه آی دوامیده ایران و امریکا اۉرته‌سیده‌گی ملاقات و مذاکره‌لر جریانینی دوام اېتتیریش اوچون کتّه سعی-حرکتلرنی عملگه آشیرگن بیر پیتده یوز بېرماقده.
شونگه قره‌مه‌ی، حاضرگی دیپلوماتیک سعی-حرکتلر بیلن ایکّی تامان اۉرته‌سیده‌گی ترنگلیک کمه‌ییشی و مذاکره‌لر جریانی قَیته تیکلنیشی-قَیته تیکلنمسلیگی حاضرچه نامعلوم.
