مقامت جبههسی: کابل و نورستانده تۉرت جنگری طالبنی اۉلدیردیک
۸صبح، کابل: افغانستان ملی مقاومت جبههسی ادعا قیلیشیچه، بو جبهه نینگ کوچلری کابل و نورستانده طالبلرنینگ تۉرت جنگریسنی اۉلدیرگنلر و بو گروه‌نینگ تۉرت اعضاسینی یره‌لنتیرگنلر.
افغانستان ملی مقاومت جبههسی ۲۲ چهارشنبه کونی، اوشبو جبهه نینگ کوچلری تیناوون کېچه کابل نینگ شکر درده اولسوالیگیگه قره‌شلی منطقه‌ده طالبلرنینگ سردسته‌لریدن بیری حاجی جیلانینی هجوم آستیگه آلگنلر و نتیجه‌ده او تن قۉریقچیسی بیلن اۉلدیرگنلرینی ایتگنلر.
بو جبهه نینگ ایتیشیچه، هلمند ولایتی نینگ یشاوچیسی بۉلگن جیلانی کابل‌ده طالبلر امنیه قوماندانلیگیده وظیفه‌سی بۉلگن.
عین حالده، ملی مقاومت جبههسی نینگ کۉپه‌یتیریشیچه، بولرنینگ کوچلری کېچه ساعت۱:۰۰ ده نورستان ولایتی نورگرام اولسواللیگیگه تعلقلی گندله‌بوک ساحه‌سیده طالبلرنینگ بیر پوسته‌سیگه حمله قیلگنلر.
بو هجوم عاقبتیده طالبلرنینگ ایکّی جنگریسی اۉلدیریلگن و باشقه تۉرت اعضاسی تن جراحتی آلگنی ادعا قیلینگن.
شونینگدېک آزادلیک جبههسی هم تیناوون کېچقورون سمنگان‌ده طالبلر خوفسیزلیک بیرینچی حوزه‌سی قرارگاهیده بو جبهه کوچلری نینگ هجومی نتیجه‌سیده طالبان جنگریلری نینگ اوچ ته‌سی اۉلدیریلگنی وایکّی ته‌سی تن جراحتی آلگنینی ادعا قیلگن اېدیلر.
