رویترز: ایران نینگ اردن ده امریکا حربی‌لری نینگ قرارگاهی ده اۉیوشتیریلگن هجوم ده قولی بولمه‌گن
عراق و سوریه ده ایران حمایتیده شبه‌نظامی‌لر نینگ پهپادی هجوم‌لری دوام اېتماقده اېکن، اردن ده امریکا حربی کوچلری نینگ قرارگاهی ده اۉیوشتیریلگن پهپادی هجوم که اۉچ عسکر نینگ اۉلیمی و باشقه ۳۴ عسکر نینگ یره‌لنیشی گه سبب بولگن، روریترز اۉز منبع‌لری گه تیه‌نیب ایران نینگ بو هجوم ده قولی بولمه‌گنینی ایتگن.
امریکا رسمی‌لری ۲۸ جنوری، شنبه کیچه، بو موضوع نی بیان قیلگنلر.
بیر منبع گزارش ده اسمی سِر قالیش شرطی بیلن ایتیشیچه: «ایران کوچلری، امریکا حربی‌لری نینگ قرارگاهی ده اۉیوشتیریلگن هجوم ده قولی بولیشنی اۉیلمه‌یمیز.»
اسوشیتدپرس آژانسی هم بو هجوم عراق‌لیک بیر گروه تامانیدن عملگه آشیریلگنینی معلوم قیلگن.
ایران حمایتیده شبه‌نظامی‌لر «عراق اسلامی مقاومت» آتیده ۲۸ جنوری، یک‌شنبه کونی شام پیتی اردن ده امریکا حربی کوچلری نینگ قرارگاهی ده اۉیوشتیریلگن هجوم مسوولیتینی که بو مملکت نینگ اوچ حربی‌سی هلاک بولیشی و باشقه ۳۴ عسکری یره‌لنیشی گه سبب بولدی تن آلگن.
مذکور هجوم دن نیچه ساعت اۉتگچ، آق‌سرای امریکا نینگ یوقاری مرتبه‌لی رسمی‌لری جمله دن اوشبو مملکت جمهور باشلیغی جوبایدن و مدافعه وزیری لوید آستین حضوری بیلن اضطراری یېغیلیش اۉتکزیلگنیدن خبر بیرگن.
معلومات‌لرگه کوره، نشانگه آلینگن قرارگاه ده امریکا نینگ انجنیرلیک، هوانوردلیک، تدارکات و خۉفسیزلیک کوچلری جایلشگن.
عین‌حالده، جوبایدن بوندن آلدین مذکور هجوم ایران گه باغلیق گروه‌لر تامانیدن اۉیوشتیریلگنینی ایتگندی.
