ریچارد بنت: هرات‌ده اۉلدیریلگن ایکّی دین عالم حادثه‌سی مستقل تېکشیریلسین
۸صبح، کابل: بیرلشگن ملتلر تشکیلاتی‌نینگ انسان حقوقلری بۉییچه مخصوص گزارشگری ریچارد بنت، هرات‌ده اۉلدیریلگن شیعه مذهبلی ایکّی دین عالم نینگ قتلی حقیده تحقیق بۉلیشینی سۉره‌دی.
بنت ۳-قوس جمعه کېچه‌سی، ایکس ترماغیده شیعهه مذهبلی اوشبو ایکّی دین عالم نینگ قتلی حقیده‌گی گزارشنی خواطرلی دېب یازگن.
اونینگ ایتیشیچه: «مېن مستقل و بوتونله‌ی بیر تحقیق اوچون تاکیدله‌یمن. حادثه نینگ عامللری خلق ارا معیارلرگه مطابق عدالتگه تاپشیریلیشی کېره‌ک.»
شونینگدېک او، هرات شهری نینگ جبرییل ساحه‌سیده هم بیر دین عالمی اۉلدیریلگنی حقیده اشاره قیلگن.
منبعلرنینگ ۸کونده‌لیگیگه ناتانیش قوراللی شخصلر ۲-قوس پنج‌شنبه توش پیتی شیعه مذهبلی ایکّی دین عالم هرات شهری مرکزیگه تېگیشلی جبرییل ساحه‌سیده جایلشگن «سیدالشهدا» مسجدی مقابلیده آتیب اۉلدیریلگنینی تصدیقله‌گن اېدیلر.
شیخ رجب اخلاقی و خادم حسین هدایتی ناملی اوشبو دین عالملر قتل مسوولیتینی هنوزگچه بیرار کیشی یا گروه اۉز بۉینیگه آلمه‌گن.
طالبلر هم هنوزگچه بو حقده بیرار نرسه دېمه‌گن.
