روسیه هجوملری اوکراین نینگ برق ایشلب چیقریش آست قورمه‌لری گه ۸۰ فایز زیان یېتکیزگن
اوکراین ده برق بوییچه خصوصی اېنگ بویوک کمپنیه باشلیغی دیمیترو ساخاروک (دی‌تی‌ای‌کی) گه کوره، بو کمپنیه نینگ برق ایشلب چیقریش ۸۰ فایز آست قورمه‌لری روسیه حربی کوچلری نینگ هجوم‌لریده بوزیلگن.
ساخاروک ۳۰ مارچ، شنبه کیچه اوشبو آست قورمه‌لر نینگ قیته قوریش ایشی قریب ۱۸ آی چوزیلیشی ممکن دیگن.
او تلویزیونی پیامیده، مذکور آست قورمه‌لر نینگ بیر قنچه‌سی سۉنگی ایکّی هفته ده روسیه حربی کوچلری نینگ هوا و راکته هجوم‌لریده زیان کورگنینی بیلدیرگن.
دی‌تی‌ای‌کی باشلیغی نینگ کوپه‌یتیریشیچه: «انیق طرزده آلتی آست قورمه‌دن بیش آست قورمه جدی زیان کورگن و اولر نینگ اکثر بولیم‌لری بوزیلگن.»
بو هجوملر ۳۰۰ میلیون دالر مذکور کمپنیه نینگ برق ایشلب چیقریش آست قورمه‌لری گه زیان یېتکزگن دیدی، اوکراین ده برق بوییچه خصوصی کمپنیه باشلیغی.
ایتیش کېره‌ک که روسیه کوچلری اۉتگن جمعه اوکراین مرکزی و غربی ده حرارتی و سوو برق آست قورمه‌لرینی نشانگه آلگنلر.
رویترز نینگ گزارشی اساسیده، اوکراین جمهور باشلیغی ولادیمیر زلنسکی ۳۰ مارچ شنبه کونی، کیچه‌گی نطقی ده روسیه اوکراین خلقی نینگ «قانینی» توکیش و برق آست قورمه‌لرینی یۉق اېتیش اوچون هجوملرینی ریجه‌لشتیرگنینی بیلدیرگن.
زلنسکی نینگ کوپه‌یتیریشیچه: «امریکا، اروپا و باشقه شریکلریمیز، بیزگه نیمه کېره‌ک لیگینی بیلیشه‌دی. حاضرگی کونده بو هجوملردن اۉزیمیزنی قوریقلش اوچون قنچه‌لیک مهم دیر.»
معلومات‌لر اساسیده، اوکراین ده برق بوییچه کمپنیه بو مملکت نینگ قریب تورت دن بیر قسم احتیاج‌لرینی تأمینله‌یدی، حرارتی و باشقه آست قورمه‌لر ایکّی ییلدن آرتیق اوروش‌لرده نیچه مراتبه روسیه حربی کوچلری تامانیدن نشانگه آلینگن.
روسیه رسمی‌لری بوتوغریده حاضرگچه فکر-ملاحظه بیلدیریشمه‌گن.
عین‌حالده نیچه آی اول اوکراین رسمی‌لری، بو مملکت نینگ حرارتی برق قووتیدن یریمی روسیه هجوملری عاقبتیده کمه‌یگنینی اېتگن اېدیلر.
