منبعلر: بدخشانده قوتوریش ویروسیگه شبهه قیلینگن ایت‌نینگ هجومی عاقبتیده ۱۶ کیشی یره‌لندی
۸صبح، بدخشان: بدخشانده‌گی منبعلر اَیتیشیچه، اوشبو ولایت مرکزی فیض‌آباد شهریده قوتوریش ویروسینی یوقتیرگنلیکده شبهه قیلینگن بیر ایت‌نینگ هجومی عاقبتیده کمیده ۱۶ کیشی، جمله‌دن عیاللر و باله‌لر یره‌لنگن.
اوشبو منبعلر چهارشنبه کونی، ۴-سنبله، ۸صبح گزېته‌سیگه اَیتیشیچه، واقعه فیض‌آباد شهری‌نینگ ۷-ناحیه‌سیده‌گی کری قیشلاغیده یوز بېرگن و شبهه‌لی ایت محلی اهالی تامانیدن اۉلدیریلیب، کۉمیلگن.
معلوماتلرگه کۉره، اوشبو ایت تامانیدن یره‌لنگن کیشیلر دوالنیش اوچون فیض‌آباد شهر مرکزیگه آلیب کېتیلگن و قوتوریش ویروسیگه قرشی واکسین همده طبی خدمتلر آلگن.
منبعلر اَیتیشیچه، اوشبو شبهه‌لی ایت‌نینگ هجومی عاقبتیده اوچ باش چاروا حیوانی هم یره‌لنگن.
بو حالت فیض‌آباد شهری‌نینگ تورلی حدودلری و اونینگ اطرافیده ده‌یدی ایتلر ترقه‌لیب یورگن، بیراق حاضرگچه تېگیشلی اداره‌لر تامانیدن اولرنی شهر حدودیدن ییغیب آلیش اوچون هېچ قنده‌ی چاره کۉریلمه‌گن بیر پیتده یوز بېرماقده.
