منبعلر: طالبان جمعه‌خان فاتح‌نی کابلگه آلیب اۉتماقده
۸صبح، بدخشان: منبعلر‌نینگ اَیتیشیچه، طالبان گروهی ناراضی قوماندانی جمعه‌خان فاتح‌نی اوشبو گروه تامانیدن کابلگه آلیب اۉتیش رېجه‌لشتیریلگن.
اوشبو منبعلر ۲۱-سرطان، یک‌شنبه کونی ۸ صبح گزېته‌سیگه معلوم قیلیشیچه، جمعه‌خان فاتح درواز اولسواللیگیده بیر کېچه-کوندوز قالگنیدن سۉنگ فیض‌آباد شهریگه آلیب کېلینگن.
معلوماتلرگه کۉره، فاتح طالبان‌نینگ هلمند ولایتیده‌گی حاکمی مولوی امان‌الدین، مولوی شمس‌الدین شریعتی و درواز‌نینگ بیر قطار محلی شخصلری بیلن بیرگه، ۱۰ نفر قوراللی همراهلیگیده فیض‌آبادگه آلیب باریلگن.
منبعلرگه کۉره، بدخشانلیک طالبان رهبرلری طالبان ایچکی ایشلر وزیری سراج‌الدین حقانی‌نینگ کۉرسه‌تمسی بیلن جمعه‌خان فاتح‌نینگ خوفسیزلیگینی کفالتله‌گن.
معلوماتلرگه بناءً، طالبان فاتح‌گه نسی اولسواللیگی حاکملیگی و دروازلر عمومی آمریتی لوازمینی وعده قیلگن.
بو اۉتگن ییلی بدخشان‌نینگ شهر بزرگ تومنیده‌گی طالبان‌نینگ محلی قوماندانی عبدالرحمان عمار، طالبان اوردوسی باشلیغی فصیح‌الدین فطرت همده اوشبو گروه‌نینگ دولت ایشلری بۉییچه اداره‌سی اۉرین‌باسری سیف‌الدین تایب واسطه‌چیلیگیده کابلگه آلیب اۉتیلگنیدن سۉنگ طالبان تامانیدن حبسگه آلینیب، قماققه تشلنگن بیر پیتده یوز بېرماقده.
عبدالرحمان عمار شهر بزرگ تومنیده‌گی آلتین کانی یوزه‌سیدن کېلیب چیققن تۉقنه‌شوولردن سۉنگ و حبسگه آلینیشی آلدیدن طالبان رهبری حضوریده «شفاعت سۉره‌ش» اوچون قندهارگه یوباریلگن اېدی، بیراق ملا هیبت‌الله اونی قبول قیلیشگه راضی بۉلمه‌گن.
