طالبان نینگ پاکستانده‌گی اېلچیلیگی: تورخم و چمن‌ده‌گی افغان مهاجرلری حقیده تشویش بیلدیردی
۸صبح، کابل: طالبلرنینگ پاکستانده‌گی اېلچیلیگی تورخم و چمن بندری آرقلی مملکتگه اۉته دېگن افغان مهاجرلری نینگ وضعیتی باره‌سیده خواطر بیلدیرگن.
اوشبو اېلچیلیک ۱۰- عقرب چهارشنبه کونی ایکس صحیفه‌سیگه نشر قیلگن خبرنامه‌ده، پاکستان نینگ افغان مهاجرلری جبری چیقاریلیشی تۉغرسیده‌گی سیاسیتدن کیلیب چیققن قیینچیلیکلر خصوصیده جدی خواطرده میز دېیلگن.
اوشبو اېلچیلیک نینگ کۉپه‌یتیریشیچه، بو سیاست نتیجه‌سیده، پاکستان‌ده مافیایی ترماغ شکللنگن اولر افغانستانلیک قاچقینلردن ناقانونی پول آله‌دیلر و ایریم بهانه‌لر بیلن مهاجرلرنی قیناققه آلیب کلتکله‌یدیلر.
خبرنامه، پاکستان خوفسیزلیک کوچلری قانونی حجتی بۉلگن مهاجرلرنی هم ایریم بهانه‌لر بیلن اوشلب آلیب اولرنینگ حجتلرینی قید اېتگن دېب کۉپه‌یتیرگن.
شونینگدیک خبرنامه‌ده کېلیشیچه: «بیزلر پاکستاندن ایکّی مملکت اۉرته‌سیده‌گی علاقه‌لرگه سلبی تاثیر تشله‌یدیگن مهاجرلرنی جبری چیقاریش و اولرنی قیناققه آلیش جریانینی تېزلیکده توخته‌تیشنی ایسته‌یمیز.»
پاکستان تامانی افغان قاچقینلری نینگ جبری چیقاریش تعقیب قیلینیشنی توخته‌تیشگه چقیره‌میز. بو ایکّی مملکت اۉرته‌سیده‌گی مناسبتلرگه سلبی تاثیر قیله‌دی. شونده آدملر امکان قدر تېزراق مملکتنی ترک اېتیشلری ممکن.
عین حالده، پاکستان عاموی اخبارات واسطه‌لری قانونی حجتی بۉلمه‌گن افغانستانلیک مهاجرلر بو مملکتده پولیس تامانیدن اوشلب آلیش جریانی باشلنگن دېب گزارش بېرگن اېدی.
او مملکتده‌گی حجت‌سیز مهاجرلر چیقیشی اوچون پاکستان حکومتی تامانیدن تعیینلنگن مهلت تیناوون (۹-عقرب سه‌شنبه کونی) اۉز پایانیگه یېتدی.
