طالبان نظارتی آستیده‌گی مکتبلرده اۉقیتووچی یېتیشماوچیلیگی؛ قۉشنی مکتبلر بیرلشتیریلماقده
۸صبح، کابل: طالبان اۉقیتووچیلر، اینیقسه عیال اۉقیتووچیلر یېتیشمسلیگی سببلی هر بیر صنفده‌گی اۉقووچیلر سانینی ۴۵ نفرگچه آشیریب، قۉشنی مکتبلرنی بیرلشتیرماقده.
سه‌شنبه کونی، ۱۵ – ثور، طالبان معارف باشقرمه‌سی تامانیدن اعلان قیلینگن مکتوبده ایتیلیشیچه، اۉقیتووچی یېتیشمسلیگی سببلی قۉشنی مکتبلرنینگ اۉقووچیلری بیرته مکتبگه کۉچیریله‌دی.
شونینگدېک، اوشبو حجتده باشلنغیچ مکتبلرده عیال اۉقیتووچیلرنی ایشگه آلیش کۉزده توتیلگنی قید اېتیلگن.
طالبان تأکیدلشیچه، قیزلر مکتبلریده بیرینچی صنفدن آلتینچی صنفگچه ایشلاوچی «ملازیملر» یاشی ۵۰ یاشدن کم بۉلمسلیگی کېره‌ک.
بو شوندی بیرحالده دیر که بیرلشگن ملتلر تشکیلاتی نینگ باله‌لرنی قۉولب-قۉتلش جمغرمه‌سی (یونیسف) آگاه‌لنتیریشیچه افغانستان طالبان چېکلاولری سبب ۲۰۳۰-ییلگچه تخمیناً ۲۰ مینگ اۉقیتووچینی یۉقاتیشی ممکن.
شو بیلن بیرگه، قندهار ولایتیده‌گی منبعلر ایتیشیچه، بو حدودده‌گی مکتبلر اۉقووچیلرنی یۉقاتمسده و اۉقووچیلر سانی نینگ کمه‌ییشی سبب مکتبلر بیرلشتیریلماقده.
منبعلر تأکیدلشیچه، کۉپلب اۉقووچیلر جهادی مدرسه‌لرگه اۉتیب کېتماقده و طالبان رهبری ملالرنینگ معاشینی آشیرگن.
بو اېسه طالبان اۉتگن ییلی یوزلب اۉقیتووچیلرنی، اینیقسه عیال اۉقیتووچیلرنی ایشدن بۉشه‌تگن بیر پیتده یوز بېرماقده.
