شمال-شرقده ترنگلیکلر؛ ملا یعقوب مجاهد بدخشانگه باردی
۸صبح، بدخشان: طالبان بیلن اوشبو گروه‌نینگ ناراضی قوماندانی جمعه‌خان فاتح اۉرته‌سیده‌گی ترنگلیک کوچه‌ییب باره‌یاتگن بیر پیتده، طالبان مدافعه وزیری ملا یعقوب مجاهد بدخشان ولایتیگه سفر قیلگن.
طالبان مدافعه وزیرلیگی، یک‌شنبه کونی، ۱۴ سرطان، ایکس اجتماعی ترماغیده‌گی بیاناتیده ملا یعقوب مجاهد شمال-شرقی حدودلرنینگ چېگره نقطه‌لریده‌گی طالبان پُستلری و جنگچیلرینی کۉزدن کېچیرگنینی یازگن.
بیاناتگه کۉره، مجاهد اوشبو سفر دوامیده زیباک، اشکاشم، کران‌ومنجان، توپ‌خانه واخان همده پامیر حدودیگه هم تشریف بویورگن.
بو حالت سۉنگگی هفته‌لرده طالبان ایچیده‌گی گروهلر بیلن اوشبو گروه‌نینگ ناراضی قوماندانی جمعه‌خان فاتح اۉرته‌سیده‌گی ترنگلیک کوچه‌یگنی حقیده‌گی خبرلر ترقه‌لگن بیر پیتده یوز بېرماقده.
اۉتگن هفته بدخشانده‌گی منبعلر ۸صبح گزېته‌سیگه طالبان‌نینگ جمعه‌خان فاتح بیلن آلیب بارگن مذاکره‌لری موفقیتسیزلیککه اوچره‌گنینی معلوم قیلگن.
