فارس کۉرفزیده کېسکینلیکلر؛ نفت نرخی آشدی
فارس کۉرفزیده ایران و امریکا اۉرتهسیدهگی ینگی تۉقنهشوولر آرتیدن جهان بازارلریده خام نفت نرخی آشیب، بیر بېلر اوچون قریب ۱۰۰ دالرگه یېتدی.
الجزیره، چهارشنبه کونی، ۹ سپتمبر، خبر بېریشیچه، ایران فارس کۉرفزیدهگی امریکا کوچلریگه هجوملر اویوشتیرگچ، نفت نرخی آشگن.
حساباتگه کۉره، برنت خام نفت نرخی ۱،۵۷ دالر یاکه ۱،۶ فایزگه آشیب، بوگون گرینویچ وقتی بیلن تانگگچه بیر بېلر اوچون ۹۹،۴۹ دالرگه یېتگن. امریکانینگ وست تگزاس اینترمدیت (WTI) خام نفتی اېسه ۱،۶۰ دالر یاکه ۱،۷۲ فایزگه آشیب، بیر بېلر اوچون ۹۴،۶۳ دالرنی تشکیل اېتگن.
عینی پیتده برنت خام نفتی نرخی اۉتگن میلادی آینینگ باشیدن بویان آلتی آیدن بېری دوام اېتهیاتگن اوروشنی دایمی حل قیلیش امیدلرینینگ سوسهییشی و تۉقنهشوولرنینگ قَیته اوج آلیشی آرتیدن چارک قِسمگه آشگن.
بو حالت فارس کۉرفزیده ایران و امریکا اۉرتهسیدهگی تۉقنهشوولر سۉنگگی کونلرده ینه کوچهیگن بیر پیتده یوز بېرماقده.
