پاکستان پارلمانی و ایالتی سیلاو باشلنیشی؛ تلفن علاقه‌لری کېسیلدی
پاکستان ده پارلمانی و ایالتی سیلاو باشلنیشی بیلن بیرگه اوشبو مملکت دولتی، «ترتیب و قانون نی سقلش» اوچون تلفن علاقه‌لری وقتینچه‌لیک کېسیلیشیدن خبر بیرگن.
بو سیلاولر ۸ فبروری، پنج‌شنبه کونی اېرته‌لب ساعت ۸:۰۰ اطرافی ده خۉفسیزلیک جدی چاره تدبیرلر بیلن باشلنگن و بوگون عصر پیتی ساعت بیش گه قدر دوام تاپیشی کۉتیله‌دی.
سیلاو گه ۱۲۸ میلیون کیشی ثبت‌نام قیلگن و نامزدلر ۲۶۶ چوکی اوچون رقابت قیله‌دیلر.
پاکستان پارلمانی سیلاولری ۹۰ مینگ دن آرتیق آواز بیرش شعبه ده بولیب اۉته‌دی.
اوشبو مملکت پارلمانی سیلاولری نینگ دستلبکی نتیجه‌لری بوگون عصر پیتی‌گه قدر اعلام بولیشی کوتیله‌دی.
عین‌حالده، پاکستان ایچکی ایشلر وزیرلیگی بیر بیانیه ترقه‌تیب، مذکور مملکت ده تلفنی علاقه‌لر کېسیلیش سببینی «خۉفسیزلیک تهدیدلر آلدی آلینیشی و ترتیب سقلنیشی» عنوان قیلگن.
سۉنگی کون‌لرده پاکستان ناتینچ‌لیک‌لر گواهی بولیب و سیلاو عرفه‌سیده سیاسی تارتیشوولر اوج آلگچ، تلفن علاقه‌لری کېسیلیشی گه قرار قیلینگن.
پاکستان باش وزیری عمران‌خان حاضر زندانی دیر، اوتگن کون طرفدارلری دن آواز بیریش جریانی یکونیدن کیېن سیلاو نتیجه‌لری اعلام بولگونچه آواز بیریش شعبه‌لر دن تشقری ده کوتیش‌لرینی سوره‌گن.
باشقه تاماندن، اۉتگن کون پاکستان نینگ جنوب غربی ده علیحده ایکّی نقطه ده پارلمانی و ایالتی سیلاولر نامزدلری نینگ دفترلری یقینیده قول بمب‌لری پارتلشی عاقبتیده چمه‌سی ۲۶ کیشی هلاک بولگن.
داعش گروهی بو پارتلش‌لر مسوولیتینی تن آلگن.
پاکستان دولتی خۉفسیزلیک چاره-تدبیر اوچون افغانستان و ایران بیلن چېگره‌لرینی بیر کون یاپیشینی اعلام قیلگن.
بو سیلاو پاکستان نینگ ۷۶ ییل تاسیس ایتیلیشیدن اۉتگچ ۱۲ عمومی سیلاو سنله‌دی.
