بلخ ده‌گی شیعه‌لر نینگ طالبان دن طلبی: جعفری فقه نی تن آلینگیزلر
بلخ ولایتی مرکزی مزارشریف شهری ده شیعه یشاوچیلریدن بیرقطاری، طالبان تامانیدن جعفری فقه تن آلینیشی و عیاللر گه یره‌تیلگن چیکلاولر بیکار قیلینیشی اوچون همایش یۉلگه قویگنلر.
اولر ۱۳ دلو جمعه کونی مزارشریف شهری ده بیر مسجد ده ناراضی‌لیک همایش یولگه قۉیگن اېدیلر.
اولر گه کوره، جعفری مذهب طرفدارلری افغانستان نینگ سلماقلی اهالیسینی تشکیل بیره‌دی و طالبان باشقه مذهب‌لر نینگ طرفدارلری بیلن «مذهبی قاعده‌لری» اساسیده فعالیت قیلیش گه رخصت بیرگنی کبی اولر گه هم رخصت بیریلیشینی سوره‌یدیلر.
ایتیش کېره‌ک طالبان سۉنگی ایکّی ییل ده ریجه‌لی روشده اسماعیلیه شیعه مذهب طرفدارلرینی اهل سنت مذهبی گه اۉزگرتیریش اوچون تلاش قیلگنلر.
اولر ارا، اۉتگن ییل جواز آیی ده، طالبان بامیان بیلیم یورتی ده جعفری فقه تدریس بولیشینی منع قیلدی.
اوندن سۉنگ، طالبان عالی تحصیلات وزیرلیگی بیلیم یورت‌لر نصابی ده جعفری فقه شامل بولیش گه دایر شیعه عالملر کینگشی نینگ طلبینی هم رد قیلدی.
شو بیلن بیرگه، خلق‌ارا نهادلر هردایم طالبان حاکمیتیده افغانستان ده مذهبی اېرکین‌لیک احوالی «آغیرلشماقده» لیگیدن خواطر بیلدیرگنلر.
بونگه قۉشیمچه، مزارشریف شهری ده‌گی ناراضی‌لیک بیلدیرگنلر طالبان امر معروف و نهی از منکر خادم‌لری تامانیدن حجاب نی رعایت قیلمسلیکّه عیبلنگن خاتین قیزلردن بیرقطاری، قولگه آلینیش دوامیدن تنقید اېتگنلر.
اولر نینگ ایشانچی گه کوره، طالبان نینگ بو کبی حرکت‌لری مردم و اوشبو گروه رژیمی آره‌سیده فاصله گه سبب بوله‌دی.
طالبان سۉنگی کونلرده مملکت نینگ بیر ولایت‌لریده اۉنلب خاتین قیزنی حجاب نی رعایت قیلمسلیک بهانه‌سی بیلن قولگه آلگن.
اولر نینگ بو حرکتی دستلب طالبان امر معروف و نهی از منکر وزیرلیگی تامانیدن رد بولدی، لېکن اوشبو گروه سوزلاوچیسی ذبیح‌الله مجاهد شریعت قاعده‌لرینی عملگه آشیریش اوچون بو ایش عملگه آشیریلگنینی ایتدی.
