هرات خوفسیزلیکی ییغینی‌نینگ بیرینچی کونی؛ دنیا جماعه‌چیلیگی نینگ خطاسی طالبلرگه مشروعیت بېرهدی
۸صبح، کابل: تاجیکستان‌ده بۉلیب اۉته‌جک هرات خوفسیزلیک اۉن بیرینچی ییغینی نینگ تۉرتینچی قسمی اشتراکچیسی طالبان بیلن قنده‌ی علاقه‌ده بۉلیش و خلق ارا همجمعیت نینگ بیلمسدن گروه بیلن مشروعیت احتمالی خطالری حقیده آگاهلنتیردی.
ییغین نینگ بیرینچی کونی یکونی قسمی «اسلامی رنسانس؛ اسلامسیم‌دن کېینگی و مدنیتلی اسلام»عنوانلی بۉلیمی ۶-قوس دوشنبه کېچقورون بۉلیب اۉتدی.
بو ییغینده امریکا انترپرایز موسسه‌سی نینگ یېریک اعضاسی مایکل روبین، دنیا جماعه‌چیلیگی نینگ خطالری ایستلمه‌گنده طالبلرگه مشروعیت بېرهدی و بو اېسه افراطیتنی کوچه‌یتیریش دیر دېب تیلگه آلگن.
شونینگدېک او اوروش نینگ تورلی منطقه‌لرینی یقیندن کۉرگنی خصوصیده‌گی تجربه‌سیگه اشاره قیلیب ایتیشیچه: « طالبلر و داعش کنترولی آستیده‌گی منطقه‌لرنی باریب کۉرگنیدن کېلیب چیققن تجربه‌لری، سنی مسلمانلر اېنگ کۉپ زیاننی اسلامی افراطیتدن کۉره‌دیلر.
او، امریکا افغانستان‌ده حربی اېمس، سیاسی مغلوبیتگه اوچره‌گنی باره‌سیده علیحده تاکیدله‌دی.
عین حالده، بیلیم یورتی استادی همده ۸صبح کونده‌لیگی نینگ مسوول مدیری محمد محق، اسلامی رنسانس ۱۸عصر آخریدن و ۱۹عصر باشلریدن بوگونگچه شکست بیلن روپه ره بۉلیب کېلگن دېب ایتگن.
بوندن تشقری، قرقیزستان دنی ایشلر بۉییچه دولت کمیسیون رییسی قدیر مالکوف نینگ قید ایتیشیچه، سکولاریسم و خوفسیزلیک نینگ خیلمه – خیل مدللریگه قره‌مه‌ی، منطقه‌ده عمومی مقصد دولت ایچیده‌گی سکولاریسم، دینی و ملی قرمه قرشیلیکلر بیلن بیرگه یشش، سکولاریسم و دیموکراسینی اسلام دینیگه بیرلشتیریش.
تورکیه کاتو موسسه‌سی نینگ گزیته‌چی همده یازوچیسی مصطفی آکیول، مصر الاهرام استراتژیک سیاسی مطالعات مرکزی محققی حسن ابوطالب و افغانستانلیک عیال حقوقی فعالی و یازوچی نسرین گروس هرات خوفسیزلیک ییغینی نینگ باشقه بۉلیمی مهمانلریدن اېدیلر.
هرات خوفسیزلیک اۉن بیرینچیسی ییغینی افغانستان سۉنگی ایکّی ییلدن بیری طالبلر آرقلی اداره ایتیلیب کېله دیگن بیر پیتده اۉز پایانگیه یېتدی.
هرات خوفسیزلیک ییغینی اېرته (۷- قوس سه‌شنبه)گچه دوام اېته‌دی.
