پاکستان ده اۉیوشتیریلگن پارتلش ده ایکّی کیشی هلاک بولیب و بیر کیشی یره‌لندی
پاکستان پولیسی، اوشبو مملکت نینگ خیبرپختون‌خوا ایالتی مرکزی پشاور شهری ده بمب پارتلشی عاقبتیده ایکّی کیشی هلاک بولیب و باشقه بیر کیشی یره‌لنگنینی معلوم قیله‌دی.
جیونیوز نینگ معلوماتی اساسیده، اوشبو پارتلش ۱۰ مارچ، یک‌شنبه کونی بامداد چاغی «بورد پشاور» بازاری یقینیده یوز بیرگن.
پشاور پولیسی رسمی‌لریدن بیری کاشف آفتاب عباسی نینگ ایتیشیچه: «واقعه پارتلش ماده‌لرنی انتقال بیریش پیتیده یوز بیردی. اوچ کیشی پارتلش ماده‌لرنی انتقال بیرماقده اېدیلر و اولر نینگ ایکّی نفری پارتلش ده اولگن و اولردن بیری یره‌لنگن.»
مذکور پارتلش مسوولیتینی حاضرگچه هېچ گروه تن آلگن بولمسه ده، بیراق پاکستان طالبلر تحریکی سۉنگی ایکّی ییل ده اوشبو مملکت خوفسیزلیک کوچلری گه قرشی هجوم‌لرینی کوپه‌یتیرگنلر.
اۉتگن ییل ۶ دسامبر ده پشاور شهری ده بیر مکتب یقینیده ییرلشتیریلگن ماین پارتلشی عاقبتیده، بیش اوقووچی یره‌لنگن اېدیلر.
