اۉغلاق بېشینچی لیگی کابل‌ده باشلندی
افغانستان اۉغلاق فدراسیونی اۉغلاق بېشینچی لیگی کابل‌ده باشلنگنیدن خبر بېردی.
اوشبو لیگ نینگ آچیلیش مراسمی۵- جدی سه‌شنبه کونی اۉتکزیلدی.
مذکور لیگ مملکت نینگ ۱۲ ولایتدن ۱۲ تیم اشتراک قیلیشی بیلن اۉتکزیله‌دی.
بیرینچی باسقیچده ۱۲ تیم گروهی شکلده رقابت قیله‌دیلر و بیلّشوو دوامیده اوستون تیملر حذفی مرحله‌گه یۉل تاپیشی کوتیله‌دی.
سمنگان، پنجشیر و بامیان ولایتلری «الف» گروهی، بغلان، تخار و سرپل «ب» گروهی، قندوز، بلخ و میدان وردک «ج» گروهی قندهار، بدخشان و لوگر ولایتلری اېسه «د» گروهیگه اجره‌تیلگنلر.
بو لیگ نینگ بیرینچی اۉیینی بدخشان و قندهار تیملر اۉرته‌سیده‌گی مسابقه بیلن باشلنه‌دی.
اېرته (۶- جدی چهارشنبه) اۉغلاق بېشینچی لیگی نینگ ایکّینچی اوچره‌شووی بامیان و سمنگان تیملری اۉرته‌سیده اۉتکزیله‌دی.
مذکور بیلّشوو آلدین هفته‌لرده باشله‌نیشی کوتیلردی، اما سالنگ تونل یاپیقلیگی تیملرنینگ مرکزگه کېله آلمسلیگی سبب بۉلدی.
