انسان حقوقلری فعاللری اتفاقی ۸صبح گزېته‌سی تشکیل اېتیلگنی‌نینگ ییگیرمه‌نچی ییللیگینی تبریکله‌دی
۸صبح، کابل: انسان حقوقلری فعاللری اتفاقی ۸صبح گزېته‌سی تشکیل اېتیلگنی و فعالیتی‌نینگ ییگیرمه‌نچی ییللیگینی اوشبو عامه‌وی اخبارات واسطه‌سی‌نینگ مسووللری، مخبرلری، یازووچیلری و خادملریگه تبریکلب، اونینگ اخبارات یېتکزیش و سۉز اېرکینلیگینی حمایه قیلیش ساحه‌سیده‌گی ایکّی اۉن ییللیک فعالیتینی قدرله‌گنینی بیلدیردی.
اوشبو تشکیلات جمعه کونی، ۱ جوزا، ۸صبح افغانستان زمانه‌وی تاریخی‌نینگ اېنگ آغیر دورلریدن بیریده اۉز فعالیتینی دوام اېتتیرگنینی ایتدی؛ بو دورده عامه‌وی اخبارات واسطه‌لری، ژورنالیستلر و سۉز اېرکینلیگی طالبان گروهی تامانیدن کېنگ باسیم آستیده قالماقده.
انسان حقوقلری فعاللری اتفاقی مملکتده‌گی عامه‌وی اخبارات واسطه‌لری‌نینگ حاضرگی حالتیگه اشاره قیلیب، عامه‌وی اخبارات واسطه‌لری‌نینگ یاپیلیشی، سانسور‌نینگ کېنگه‌ییشی، ژورنالیستلرنینگ حبسگه آلینیشی، مېدیا فعاللری‌نینگ تهدید قیلینیشی و اېنگ سۉنگّی حالت صفتیده بامیان رادیوسی‌نینگ یاپیلیشی افغانستان مېدیا محیطیگه سایه ساله‌یاتگن اچّیق حقیقتلرنینگ بیر قِسمی اېکنینی قۉشیمچه قیلگن.
مذکور تشکیلات تاکیدلشیچه، مهاجرت و سورگون شرایطیده، مالیوی، خوفسیزلیک و سیاسی چېکلاولرگه قره‌مه‌ی، عامه‌وی اخبارات واسطه‌لری‌نینگ معیارلرگه ماس و مستقل فعالیتینی دوام اېتتیریشی مجبوریت، جسارت و خلق‌نینگ اخباراتگه بۉلگن حقوقیگه چوقور ایشانچنی طلب قیله‌دی.
انسان حقوقلری فعاللری اتفاقی ایتیشیچه، ۸صبح اۉتگن ییللرده سکوتگه مجبور قیلینگن حقیقتلرنینگ بیر قِسمی آوازیگه ایلنیشگه و خلق روایتینی تیریک سقلشگه موفق بۉلگن.
انسان حقوقلری فعاللری اتفاقی یکونده عامه‌وی اخبارات واسطه‌لرینی اۉچیریش و سۉز اېرکینلیگینی باستیریشنی افغانستانده آنگنی یۉق قیلیش همده «مدنی جینوساید»نینگ کېنگ جریانی‌نینگ بیر قِسمی دېب حسابلش ممکنلیگینی قید اېتگن.
مذکور تشکیلات ژورنالیستلر و مستقل عامه‌وی اخبارات واسطه‌لریگه موفقیت، خوفسیزلیک و برقرارلیک تیله‌ب، عامه‌وی اخبارات واسطه‌لری نینگ ثابت توریشی حقیقتنی ابدی اۉچیریب بۉلمسلیگینی کۉرسه‌تیشینی تاکیدله‌گن.
