قیزیل خاچ پنجشیرده ۱۵۰ نفر دهقانگه حاصلدن کېینگی جهازلرنی ترقه‌تدی
۸صبح، پنجشیر: خلق‌ارا قیزیل خاچ کمیته‌سی (ICRC) دهقانلرگه اۉز محصولاتلرینی سقلشده یاردم بېریش مقصدیده پنجشیر ولایتیده‌گی ۱۵۰ نفر دهقانگه حاصلدن کېینگی جهازلرنی ترقه‌تگنینی معلوم قیلدی.
اوشبو تشکیلات چهارشنبه کونی، ۴-سنبله، ایکس صحیفه‌سیده بو جهازلر تېمیر سیلولر، بوغدای ییغیش قوریلمه‌لری، ترپال و محصولاتلرنی سقلش اوچون زیچ یاپیله‌دیگن قاپلردن عبارت اېکنینی اَیتدی.
خلق‌ارا قیزیل خاچ کمیته‌سی معلوماتلریگه کۉره، دهقانلر، شونینگدېک، حاصلدن کېینگی یۉقاتیشلرنی کمه‌یتیریش و ترقه‌تیلگن جهازلردن یخشیراق فایده‌لنیش بۉییچه تعلیم آلگن.
اوشبو تشکیلات بو یاردملر اېکینچیلیک محصولاتلری‌نینگ نابود بۉلیشینی کمه‌یتیریش و حاصلدن کېین محصولاتلرنی سقلش اصوللرینی یخشیلش مقصدیده عملگه آشیریلگنینی تأکیدله‌دی.
