رزا اوتونبایوا و جیلانی افغانستان مساله‌سینی محاکمه قیلیشگن
۸صبح، کابل: پاکستان موقت حکومتی تشقی ایشلر وزیری جلیل عباس جیلانی بیرلشگن ملتلر تشکیلاتی نینگ افغانستان اوچون خاص نماینده‌سی رزا اوتونبایوا بیلن اوچره‌شگن.
پاکستان اسوشتیدپرس نینگ گزارش بېریشیچه، بو ایکّی عملدار۲۰ قوس دوشنبه کونی اسلام آبادده مذاکره قیلگنلر.
اوشبو گزارشگه قره‌گنده، اوچره‌شووده جیلانی ینه بیر بار پاکستان نینگ دنیا جماعه‌چیلگی اینیقسه افغانستان‌ده تینچلیک، براقرلیک و آسایشته‌لیک تامینله‌نیشی یۉلیده بیرلیشگن ملتلر تشکیلاتی بیلن همکار ایکنیدن وعده بېرگن.
بیرلشگن ملتلر تشکیلاتی بو ملاقات تۉغریسیده هنوز بیرار نرسه دېمه‌گن.
بوندن آلدین امریکا قۉشمه ایالتلری نینگ افغانستان ایشلری بۉییچه مخصوص نماینده‌سی تام وست هم پاکستان موقت حکومتی تشقی ایشلر وزیری جلیل عباس جیلانی بیلن اوچره‌شیب افغانستان مساله‌سینی محاکمه قیلگن اېدی.
پاکستان تشقی ایشلر وزیرلیگی ۱۶- قوس‌ده بیر بیانیه نشیر قیلیب، هر ایکّی تامان افغانستان‌ده انسانی وضعیت رواجله‌نیشی تۉغریسیده جمعی رویکردنینگ اهمیتی اوستیده تاکید قیلگنلر دېب بیلدیرگن اېدی.
