طالبان هراتده چادری /برقع کیمه‌گنی سببلی ایکّی عیالنی حبسگه آلدی
۸صبح، هرات: محلی منبعلر‌نینگ اَیتیشیچه، طالبان‌نینگ امر باالمعروف و نهی عن المنکر محتسبلری هراتده اوشبو شهر‌نینگ ایکّی سودا مرکزیده ایکّی عیالنی حبسگه آلگن.
منبعلر چهارشنبه کونی، ۷-اسد، ۸صبح گزېته‌سیگه بېرگن معلوماتیده، طالبان ساعت ۶:۳۵ اطرافیده هراتدهگی ۶۴ مترلیک کۉچه‌ده‌گی بیر سودا دوکانی پارگینگ‌دن چیقه‌یاتگن بیر عیالنی حبسگه آلیب، اۉزلری بیلن آلیب کېتگنینی اَیتدیلر.
منبعلرگه کۉره، اوشبو عیال مانتو کیگن بۉلگن و اونی امر باالمعروف و نهی عن المنکر اداره‌سی‌نینگ اوچ نفر عیال محتسبی حبسگه آلگن.
منبعلر‌نینگ قۉشیمچه قیلیشیچه، طالبان‌نینگ اېرکک محتسبلری اوشبو عیال‌نینگ اېریگه موتری‌دن توشیشگه رخصت بېرمه‌گن.
منبعلر، شونینگدېک، اوشبو واقعه‌دن بیر نېچه دقیقه اۉتیب، ینه بیر عیال هم هراتدهگی باشقه بیر سودا مجموعه‌سیدن طالبان تامانیدن حبسگه آلینگنینی اَیتماقده.
مذکور حبسگه آلیشلر طالبان هراتده اعلان قیلگن کۉرسه‌تمه‌ده عیاللر اوشبو گروه بېلگیله‌گن کیینیش قاعده‌لریگه رعایه اېتیشی شرطلیگی، عکس حالده حبسگه آلینیشی ممکنلیگی حقیده آگاهلنتیرگن بیر پیتده صادر بۉلماقده.
