طالبان هراتده‌گی خصوصی بیر ساغلیقنی سقلش انستیتوتنی یاپگن
۸صبح، هرات: هراتده‌گی محلی منبعلر طالبان تامانیدن ولایتده‌گی خصوصی ساغلیقنی سقلش انستیتوت یاپیلگنینی معلوم قیلگن.
منبعلر ۱۱- قوس شنبه کونی ایتیشیچه، طالبلر هرات شهریده‌گی فردوسی ساغلیقنی سقلش انستیتوتنی «حجابنی مراعات قیلمه‌گنلیک همده قیز و اېرکک قوشیلگنی» سبب باغله‌گنلر.
عین حالده، بو انستیتوتده‌گی بیر منبع نینگ ۸صبح کونده‌لیگیگه مذکور انستیتوتده فقط قیزباله‌لر درس بیلن شغللنگنلر و هیچ بیر اۉغیل باله یا اېرکک اوشبو تحصیلی نهادده اۉقیش بیلن شغللنمه‌گن دېب ایتگن.
اونینگ ایتیشیچه، طالبان اوشبو انستیوتده اۉغیل باله‌لر حضوری یۉقلیگینی تیلگه آلگن بۉلسه‌لر- ده، لېکن اوشبو گروه شونگه قره‌مه‌ی انستیتوتنی یاپگن.
اوشبو انستیتوتده اۉنلب قیز محصللر درس بیلن شغلله‌نیب کېلگنی ایتیله‌دی.
هراتده‌گی طالبان هنوزگچه بو خصوصده هیچ نرسه دېگنی یۉق.
بوندن آلدین هم طالبان هرات شهریده اۉقیتیش مرکزلرنی اېرکک استادلر تامانیدن تدریس اېتیلگنی «حجاب» مراعات بۉ‌لمه‌گنی سبب بیر نېچه وقت یاپیب قۉیگن اېدی.
طالبان حاکمیتگه قیتگچ خاتین – قیزلرگه قرشی آغیر چېکلاولر قۉیدی اۉقیش و ایشلشدن بو قتلمنی محروم قیلدی.
