طالبان بریتانیالیک حربیلرنینگ افغانستاندهگی جنایتی مستقل تشکیلات آرقلی تېکشیریلیشینی سۉ‌ره‌دی
۸صبح، کابل: بریتانیا ملی کوچلر باشلیغی جنرال سر پاتریک سندرز بو مملکت مخصوص کوچلری نینگ افغانستاندهگی اوروش جنایتیگه عیبلنگنی حقیده تۉلیق و مستقل تېکشیرو اۉتکزیلیشینی حمایت قیلگندن سۉنگ، طالبلر اوشبو تېکشیروو مستقل بیر تشکیلات آرقلی آلیب باریلیشی کېره‌کلیگینی تاکیدله‌گن.
طالبان سۉزلاوچیسی ذبیح‌الله مجاهد ۲۵- قوس شنبه کونی بو گروه اداره‌سی آستیده‌گی ملی رادیوگه، بریتانیا ملی کوچلری باشلیغی نینگ بو مملکت مخصوص کوچلری نینگ اوروش جنایتی خصوصیده‌گی تېکشیرووی نمادین و سمبولیک دېب تیلگه آلگن.
اونینگ سۉزلریگه کۉره: «بو خصوصده‌گی تېکشیروو مستقل بیر تشکیلات آرقلی اۉتکزیلشی کېره‌ک و بریتانیا اېسه قربانلر عایله‌سیگه تاوان توله‌شی کېره‌ک.»
محاهد، ناتوگه اعضا برچه دولتلرنینگ حربی کوچلری افغانستانده اوروش جنایتگه مرتکب بۉلگنلر و مملکتلر بو تۉغریده تېکشیروو اۉتکزیش بیلن «بیر، ایکّی و بېش عسکر»گه چېکله‌نیب و قالگن کوچلرینی آقله‌ماقچی بۉله‌دیلر دېب ایتگن.
بریتانیا ملی کوچلر باشلیغی جنرال سرپاتریک تیناوون (۲۴- قوس جمعه) بیر بیانیه نشر قیلیب، بو مملکت مخصوص کوچلری نینگ اوروش جنایتی تۉغریسیده‌گی عیبلاوی باره‌سیده مستقل تېکشیروو اۉتکزیلیشینی حمایت قیلدی.
سندرز تېکشیروو جریانیدن ایشانچ بېریب، بو تۉغریده ینگی بیر پست «افغانستان تېکشیروو جوابگرلیک مدیر» نامیده نشر قیلیب کېلوسی آی (۲۰۲۴- جنوریده) بونینگ مسوولیتینی حاضرگی کونده بریتانیا ارتش کوچلری حقوقی خذمتلر مدیری صفتیده خذمت قیلووچی الکس تیلور سی بی‌گه تاپشیریشنی معلوم قیلدی.
بریتانیا مخصوص کوچلری میلادی ۲۰۱۰ – ۲۰۱۳- ییل جریانیده اۉز ماموریتیده افغانستانده چمه‌سی ۸۰ کیشی تینچ اهالینی اۉلدیرگنلیکده عیبلنگن.
