غزنیده طالبلر عیال و اېرکک کسللر بیر بناده دواله‌نیشنی منع قیلدی
۸صبح، کابل: غزنیده طالبان امربه معروف و نهی از منکر ریاستی بو ولایت شفاخانه بناسیده بیر وقتده عیاللر و ایرککلر مراجعه قیلیب دواله‌نیشنی منع قیلگن دیر.
بو ولایتده ایریم منبعلر ۱۴- عقرب یک‌شنبه کونی ۸صبح کونده‌لیگیگه بېرگن صحبتلریده ایتیشیچه، مذکور ولایتده طالبلر امر به معروف و نهی از منکر ریاستی بوندن کېین هیچ بیر ساغلیقنی سقلش مرکزی بیر بناده عیال و ایرکک کسللرنی قبول قیله آلمه‌یدی و بو کسللر اېسه ایریم – ایری بۉلیملریده دواله‌نیشی کېره‌ک دېب بویورگن.
منبع، اوشبو ولایتده طالبان امربه معروف ریاستی ساغلیقنی سقلش مرکزلری مسووللرینی تخلف قیلگن حالده، جدی جزاله‌نیشلری حقیده آگاهلنتیرگن.
غزنی ولایتیده صحی مرکزلر همده شفاخانه‌لر اوچون زمانونی بنالر آزلیگی بیلن رۉپه ره بۉلگن بیر پیتده طالبلر تامانیدن عیال و اېرکک کسللر ایری – ایری بېلیملرده دواله‌نیشی حقیده بویروق صادر بۉلگن.
طالبلر تامانیدن چېکلاولر یره‌تیش ینگی مورد حسابنلمه‌یدی.
طالبلر بوندن آلدین هم قیزلرنینگ تعلیم و تحصیلی قۉشیمچه خاتینلرگه ایریم چېکلاولر قۉیگن اېدی.
