جهان ساغلیقنی سقلش تشکیلاتی حج سفری دوامیده ساغلیق قاعده‌لریگه رعایه قیلیش و ضرور واکسین‌لرنی آلیشگه اورغو بېردی
۸صبح، کابل: جهان ساغلیقنی سقلش تشکیلاتی (WHO) افغانستان حج زیارتچیلریگه ضرور واکسین‌لرنی آلیش و ساغلیق بۉییچه توصیه‌لرگه رعایه قیلیش آرقه‌لی حج مراسمی دوامیده یوزه‌گه کېلیشی ممکن بۉلگن کسللیکلر خوفیدن سقلنیشنی توصیه قیلدی.
اوشبو تشکیلات یک‌شنبه کونی، ۲۷ ثور، ایکس صحیفه‌سیده ساغلیق بۉییچه توصیه‌لرگه رعایه قیلیش خوفسیز و موفقیتلی حج سفریگه یاردم بېریشینی یازگن.
تشکیلات شونده‌ی دېگن: «ساغلیق بۉییچه توصیه‌لرگه رعایه قیلیش و واکسین کارتی یاکه ایشانچلی حجتنی یانیده آلیب یوریش حج مراسملری نینگ آسایشته و اوزلوکسیز ادا اېتیلیشیگه یاردم بېره‌دی.»
هر ییلی حج موسمی کېلیشی بیلن افغانستان و باشقه اسلام دولتلریدن یوز مینگلب زیارتچیلر سعودی عربستان نینگ مکه شهریگه باره‌دی.
ایتیلیشیچه، سۉنگّی ییللرده افغانستان اوچون حج حصه‌سی تخمیناً ۳۳ مینگ کیشی اطرافیده بۉلگن.
جهان ساغلیقنی سقلش تشکیلاتی‌نینگ اوشبو توصیه‌لری سۉنگّی کونلرده «هانتاویروس» و «ابولا» کسللیکلری‌نینگ ترقه‌لیشی دنیا بۉیلب کېنگ خواطر اویغاته‌یاتگن بیر پیتده بیلدیریلماقده.
