دایکندی‌ده بیر عایله‌‌نینگ ایکّی اعضاسی سووگه چۉکیب جان بېردی
۸صبح، کابل: طالبان دایکندی ولایتی‌نینگ میرامور اولسواللیگیده ایکّی اکه-اوکه سووگه چۉکیب جان بېرگنی معلوم قیلدی.
طالبان‌نینگ دا‌یکندی‌ده‌گی اخبارات و مدنیت باشقرمه‌سی یک‌شنبه کونی، ۱۰ جوزا، اوشبو حادثه کېچه میرامور اولسواللیگی‌نینگ «پای‌باغ» حدودیده یوز بېرگنینی خبر قیلدی.
خبرگه کۉره، بو ایکّی اکه-اوکه ۱۷ و ۲۵ یاشده بۉلگن همده دَم آلیش و بلیق آولش اوچون دریاگه توشگن اېدی.
طالبان محلی وکیللری اوشبو حادثه‌‌نینگ قنده‌ی یوز بېرگنی بۉییچه تېکشیروولر دوام اېته‌یاتگنینی ایتگن.
بو حالت هییت کونلریده هم کا‌پیسا ولایتیده اوچ کیشی صیاد دریاسیگه چۉکیب، ینه اوچ کیشی غزنی ولایتی نینگ مالستان اولسواللیگیده سوو انباریده سوزه‌یاتگن پیتده چۉکیب جان بېرگنیدن سۉنگ یوز بېرماقده.
هر ییلی ایسّیق موسومی کیریب کېلیشی بیلن مملکت‌نینگ تورلی حدودلریده سووگه چۉکیش حادثه‌لری کۉپه‌یه‌دی.
