بیرلشگن ملتلر تشکیلاتی‌نینگ انسان یشه‌ش جایلری دستوری کابلده بیر ساغلیقنی سقلش مرکزی قوریلگنی حقیده خبر بېردی
۸صبح، کابل: بیرلشگن ملتلر تشکیلاتی‌نینگ انسان یشه‌ش جایلری دستوری (UN-Habitat) جاپان خلق‌ارا همکارلیک آژانسی (جایکا)، یاردمیده کابل‌نینگ شرقی قسمیده بیر ساغلیقنی سقلش مرکزی قوریله‌یاتگنینی معلوم قیلدی.
مذکور تشکیلات چهارشنبه کونی، ۷-اسد، اوشبو مرکز کم تأمینلنگن حدودلرده قوریله‌یاتگن ۲۱ ته دولت ساغلیقنی سقلش مرکزلریدن بیری اېکنینی خبر قیلدی.
حساباتگه کۉره، اوشبو لایحه‌‌نینگ مقصدی دوالش مرکزلری شرایطینی یخشیلش و اهالی‌نینگ ساغلیقنی سقلش خدمتلریدن فایده‌لنیش امکانیتینی کېنگه‌یتیریشدن عبارت.
بیرلشگن ملتلر تشکیلاتی‌نینگ انسان یشه‌ش جایلری دستوری، صفتلی طبی خدمت کۉرسه‌تیش فقط شفاکارلر و دارو-درمانلر بیلن چېکلنمسلیگینی، ساغلیقنی سقلش آست-قورمه‌لری هم اهالی سلامتلیگیده مهم ا‌ۉرین توتیشینی تأکیدله‌دی.
بو افغانستان ساغلیقنی سقلش تیزیمی منبعلر تنقیصلیگی، عیال شفاکارلر یېتیشمسلیگی، انسانپرورلیک یاردم‌نینگ قیسقه‌ریشی و اهالی‌نینگ ساغلیقنی سقلش خدمتلریگه تاباره آرتیب باره‌یاتگن احتیاجی کبی کېنگ کۉلملی معمالرگه دوچ کېله‌یاتگن بیر پیتگه تۉغری کېلماقده.
