یونیسف: سروبی اولسواللیگی ایلگری تازه سوو یۉقلیگی سببلی کابلده کسللیکلرنینگ مرکزی بۉلگن
۸صبح، کابل: بیرلشگن ملتلر تشکیلاتی باله‌لرنی قۉللب-قوّتلش جمغرمه‌سی (یونیسف) اعلام قیلیشیچه ، کابل‌نینگ سروبی اولسواللیگیده باله‌لر و عایله‌لر ایلگری تازه ایچیملیک سووی یېتیشمسلیگی سببلی تورلی کسللیکلر ترقه‌لیشیگه دوچ کېلیشگن.
اوشبو تشکیلات چهارشنبه کونی، ۵-حمل، ترقه‌تگن حساباتده ایتیشیچه، ۲۰۲۱ و ۲۰۲۲ ییللر آره‌لیغیده سروبی اولسواللیگی افغانستان مرکزیده کسللیکلر ترقه‌لیشی نینگ مرکزی بۉلگن.
حساباتگه کۉره، مینگلب آدملر، جمله‌دن کیچیک یاشده‌گی باله‌لر، کابل دریاسی و خصوصی قودوقلردن آلینگن افلاس سوودن فایده‌لنگنلیکلری سببلی کسل بۉلیشگن.
یونیسف قۉشیمچه قیلیشیچه، افغانستان نینگ کۉپلب حدودلریده یېر آستی سوولریگه قۉل تاپیش تېز کمه‌یه‌یاتگن منبع‌لر و مرکّب جیوگرافیک شرایطلر سببلی قیینلشگن.
تشکیلات ایتیشیچه، سروبی‌ده تاغلر و کیریب بۉلمه‌یدیگن تاشلر تازه سووگه کیریشنی مرکّبلشتیرگن و آدملر اوچون یگانه سوو منبعی کابل‌نینگ افلاس دریاسی بۉلگن.
یونیسف ایتیشیچه مالیه‌لشتیریشنی تأمینلب، اوشبو اولسواللیکده سوو تازه‌لش انشااتی قوریلگن بۉلیب، کابل دریاسی نینگ افلاس سووینی تازه‌له‌یدی و بېش قیشلاقده بیر مینگ و ۲۰۰ عایله‌گه تازه سوو یېتکزیب بېره‌دی.
