۸صبح، غور: سیمهییزې سرچینې وایي، چې کابل – غور لویه لار د سختو واورو له امله د تګ راتګ پرمخ تړل شوې ده.
ځایي سرچینې له ۸صبح ورځپاڼې سره په خبرو کې وایي، چې کابل – غور لویه لار دوشنبه شپه د سلواغې پر لسمه نېټه په بکک کوتل کې د تګ راتګ پرمخ تړل شوې ده.
غور کې طالبانو د کابل – غور د لویې لارې تړل کېدل تایید کړي دي؛ خو د دې لارې د بیا پرانیست په اړه یې څه نه دي ویلي.
غور ولایت د افغانستان له سړوسیمو څخه ګڼل کېږي. هر کال د ژمي په موسم کې د دغه ولایت لارې د واورې ورېدو له امله تړل کېږي.
