سالنګ لویه لار د مسافروړونکو موټرو پر مخ پرانیستل شوه
۸صبح، پروان: پروان کې سیمهییزې سرچینې وایي، چې سالنګ لویه لار له ۲۰ ساعتونو وروسته بېرته پرانیستل شوه.
سرچینې له ۸صبح ورځپاڼې سره په خبرو کې وايي، چې دا لویه لار دوشنبه د سلواغې پر لسمه نېټه د مازدیګر له ۵:۰۰ بجو راهیسې د مسافروړونکو موټرو پرمخ پرانیستل شوې ده.
د سرچینو په وینا دغه لویه لار لا هم د باروړونکو موټرو پرمخ تړل شوې ده.
دا په داسې حال کې ده، چې سالنګ لویه لار یکشنبه شپه ۷:۳۰ بجې د سختو واورو ورېدو او توپانونو له امله د تګ راتګ پرمخ تړل شوې وه.
سالنګ لویه لار د هېواد یوه مهمه او غرنیزه لار ده، چې کلهناکله د ژمي په موسم کې د واورې ورېدو له امله تړل کېږي.
