۸صبح، کابل: سرچینې وايي چې وسلهوالو غلو په کابل ښار کې د شعیب په نوم یو ځوان وژلی دی.
سرچینو یکشنبه د وږي پر ۲۹مه ۸صبح ورځپاڼې ته وویل چې دا پېښه په چهلستون سیمه کې شوې او غله د دغه ځوان له وژلو وروسته تښتېدلې دي.
سرچینو د دغې پېښې د څرنګوالي په اړه نور معلومات ورنه کړل.
دا په داسې حال کې ده چې په دې وروستیو کې د هېواد په بېلابېلو سیمو کې د جنایي پېښو ګراف لوړ شوی دی.
له دې مخکې سرچینو خبر ورکړی و چې د هرات په غوریان ولسوالۍ کې د دوو ماشومانو جسدونه موندل شوي دي.
