۸صبح، هرات: په هرات ولایت کې ځایي سرچینې وايي چې د دغه ولایت په غوریان ولسوالۍ کې د دوو پنځه کلنو او اووه کلنو ماشومانو مړي موندل شوي دي.
سرچینو یکشنبه له ۸صبح ورځپاڼې سره په خبرو کې وویل چې دغه دوه ماشومان خالد او ادریس نومېدل او سره وروڼه وو.
سرچینې زیاتوي چې دا دوه ماشومان د څه کم یوې اوونۍ په لړ کې لادرکه شوي وو.
د سرچینو په وینا، د دغو ماشومانو مړي له لټون وروسته په غوریان ولسوالۍ کې موندل شوي دي.
تر اوسه د دغې پېښې د څرنګوالي او د هغوی د وژنې د انګېزې په اړه نور جزییات په لاس کې نشته.
په دې وروستیو کې په ځینو ولایتونو کې د مرموزو وژنو، انسان تښتونو او د خلکو د لادرکه کېدو پېښې زیاتې شوې دي.
دا په داسې حال کې ده چې طالبانو په وار وار په هېواد کې د سراسري امنیت د ټينګښت خبره کړې ده.
