۸صبح، کونړ: په کونړ کې ځايي سرچینې وايي چې اووه ماشومان په ډلهییزه توګه تښتول شوي دي.
سرچینو شنبه د وږي پر ۲۸مه ۸صبح ورځپاڼې ته وویل چې دا ماشومان له غرمې وروسته د کونړ مرکز اړوند له نواباد سیمې تښتول شوي دي.
سرچینې وايي چې په تښتول شوو ماشومانو کې څلور نجونې او درې هلکان دي چې د څلورو او ۱۰ کالو ترمنځ عمرونه لري.
ورته مهال د طالبانو د وټساپ په ګروپونو کې یو غږیز کلیپ لاس په لاس کېږي چې په کونړ کې ځايي طالب چارواکي د دې پېښې پخلی کوي.
دا په داسې حال کې ده چې په دې وروستیو کې د هېواد په بېلابېلو سیمو کې د جنايي پېښو ګراف لوړ شوی دی.
