په ملګرو ملتونو کې د روسیې دایمي استازی واسیلي نبنزیا وايي چې د شمالي اتلانتیک تړون په سازمان یا ناټو کې د اوکراین غړیتوب د نه منلو وړ دی.
نبنزیا دوشنبه د اکټوبر پر ۲۲مه د ملګرو ملتونو د امنیت شورا په غونډه کې ویلي چې دا موضوع د مسکو او کیف ترمنځ د سولې هوکړې برخه نه شي کېدای.
هغه زیاته کړې ده: «هېڅوک په ناټو کې د اوکراین د غړیتوب مسئلې په تړاو خیال نه لري او زه دا تائیدوم چې په ناټو کې د اوکراین غړیتوب په بشپړ ډول د روسیې لپاره د نه منلو وړ دی او د برنامو او سولې تړون برخه نه شي کېدای.»
د ریانووسټي خبري اژانس د راپور پر بنسټ، نوموړي روسي ډیپلوماټ له اوکراین سره د «خنثا او بې طرفه» اړیکو جوړېدو غوښتنه کړې ده.
په ملګرو ملتونو کې د روسيې دايمي استازي څرګنده کړې ده: «روسيه چمتو ده چې له خپل ګاونډي اوکراين سره خنثا او بې طرفه دوستانه اړيکې ټينګې کړي، لکه څنګه چې په اساسي قانون کې ثبت او د ۲۰۱۴ کال له کودتا مخکې د روسيې-اوکراين ترمنځ په تړونونو کې ياد شوي دي.»
دا څرګندونې په داسې حال کې کېږي چې د اوکراین ولسمشر ولادیمیر زیلینسکي څو ځلې مخکې هم په ناټو کې د خپل هېواد د غړیتوب غوښتنه کړې وه.
زیلینسکي څو ورځې مخکې ویلي و چې کیف به په دغه تړون کې د نهغړیتوب په صورت کې د اټومي وسلو د تولید لار وټاکي.
