۸صبح، کابل: د طالبانو ویاند ذبیحالله مجاهد ویلي دي چې پر خوست، کونړ او پکتیکا د پاکستان په هوايي بریدونو کې د ۱۱ ماشومانو، یوې ښځې او یوه سړي په ګډون ۱۳ کسان وژل شوي دي.
ذبیحالله مجاهد د چهارشنبې پر سهار د غبرګولي پر ۲۰مه پر خپله اېکس پاڼه لیکلي چې پهدغو بریدونو کې د ښځو او ماشومانو په ګډون ۱۴نور کسان ټپیان شوي هم دي.
د طالبانو ویاند پر کونړ، خوست او پکتیکا ولایتونو د پاکستان هوايي بریدونه «بشري جنایت» او «تېری» بللي دي.
هغه ویلي چې د پاکستان پوځ د ملکي وګړو کورونه بمبار کړي دي.
مجاهد زیاته کړې چې د پاکستان پوځ د افغانستان د هوايي حریم په سره دا بریدونه کړي دي.
دا په داسې حال کې ده چې تر دې وړاندې پاکستاني سرچینو ویلي وو چې د دغه هېواد هوايي بریدونو په افغانستان کې په ترهګرو ډلو پورې اړوند مرکزونه او بنسټونه په نښه کړي دي.
