۸صبح، کابل: طالبانو اعلان کړی چې پرون ۱۵۵ کورنۍ چې ۶۸۵ کسان کېږي، په جبري توګه افغانستان ته راستنې شوې دي.
د طالبانو د ویاند مرستیال حمدالله فطرت شنبه د وږي پر ۲۸مه، په یوه خبرپاڼه کې ویلي چې ۵۸ کورنۍ چې ۲۷۲ کسان کېږي، د ننګرهار د تورخم له لارې افغانستان ته راستنې شوې دي.
د هغه په وینا، ۱۰ کورنۍ چې ۶۱ کسان کېږي د کندهار د سپینبولدک له لارې او ۷۲ کورنۍ چې ۳۱۰ کسان کېږي د نیمروز د ورېښمو پله له لارې هېواد ته راستنې شوي دي.
همدا راز، ۱۵ کورنۍ چې ۴۲ کسان کېږي په هرات کې د اسلام کلا له لارې افغانستان ته راستانه شوي دي.
دا په داسې حال کې ده چې ملګرو ملتونو په وار وار د افغان کډوالو، په تېره بیا د بېسرپرسته ښځو او ماشومانو د جبري اېستلو د مخنیوي غوښتنه کړې ده.
له دې سره هممهاله، د ملګرو ملتونو کارپوهانو له پرمختللیو هېوادونو هم غوښتي چې د افغانانو له کوربه هېوادونو په مالي او سیاسي ملاتړ سره، له ګواښ سره د مخ افغانانو لپاره د بیا مېشتېدنې او د امنو لارو د رامنځته کولو زمینه برابره کړي.
