۸صبح، کابل: د ملګرو ملتونو د بشردوستانه مرستو د همغږۍ دفتر (اوچا) ویلي چې له پاکستانه راستانه شوي افغانان سرپناه، د ماشومانو زدهکړو او بوختیاوو ته اړتیا لري او د ژمي په نږدې کېدو یې اړتیاوې ډېرېږي.
دغه بنسټ چهارشنبه د وږي پر ۲۵مه په اېکس پاڼه کې لیکلي، هغه افغانان چې له پاکستانه راستنېږي، هڅه کوي ژوند له «صفره» ورغوي.
یاد سازمان خبرداری ورکړی چې د ژمي په نږدې کېدو سره بېړنیو مرستو ته د راستنو شویو اړتیاوې پراخېږي.
دا په داسې حال کې ده چې له ایران او پاکستانه د افغانانو د جبري راستنېدو بهیر دوام لري او طالبانو هم خبر ورکړی چې د روان لمریز کال په لومړیو شپږو میاشتو کې ۵۱۷ زره کسان هېواد ته راغلي دي.
