د امریکا ولسمشر ډونالډ ټرمپ ویلي چې واشنګټن له ایران سره د روانې جګړې د دوام په اړه یوې مهمې پرېکړې ته نږدې شوی دی.
ټرمپ پنجشنبه د سپټمبر پر ۱۷مه اکسیوس ته ویلي چې یوه ستره پرېکړه یې مخکې ده او باید څرګنده کړي چې ایا «عملي ګام پورته کړي او هغوی له منځه یوسي که نه.»
نوموړي زیاته کړې: «دا ستره پرېکړه ده. او زما له خوا د هر څه د پېښېدو شونتیا شته.»
ټرمپ ویلي چې ایران له امریکا سره په مستقیمه اړیکه کې دی او تهران هوکړې ته د رسېدو غوښتنه کوي.
د امریکا ولسمشر زیاته کړې چې په جولای میاشت کې د امریکا له سمندري کلابندۍ راهیسې یوه بېړۍ هم ایران ته نه ده رسېدلې.
د نوموړي په خبره، کلابندي وروسته له هغې بیا پیل شوه چې د دواړو هېوادونو ترمنځ شوې هوکړه بریالۍ نه شوه.
