۸صبح، کابل: ملالې بنسټ د افغان ښځو او نجونو پر زدهکړو د بندیز د پنځم پرلهپسې کال پر دوام نیوکه او د پای ته رسولو غوښتنه یې کړې ده.
دغه بنسټ پنجشنبه د وږي پر ۲۶مه، په اېکسپاڼه کې لیکلي چې افغان نجونې اوس د خپل ژوند په شلمه لسیزه کې دي، خو په دې موده کې هېڅوک د هغوۍ د زدهکړو د بې برخې کولو په تړاو ځوابویونکی نه دی بلل شوی.
یاد بنسټ همداراز د بشریت ضد جنایت په توګه د «جنسیتي اپارټاید» له رسمیت پېژندلو ملاتړ هم کړی دی.
دغه بنسټ ویلي، هغه ښوونکي چې نه یې غوښتل نجونې له زدهکړو بې برخې شي، په ډېرو مواردو کې د زدهکړو له بندیز وروسته خپلې دندې له لاسه ورکړې؛ خو له کاره د بې برخې کیدلو سربېره، لا هم نجونو ته زدهکړې ورکوي.
دغه بنسټ زیاته کړې چې افغان نجونې د ښوونکو په مرسته په پټو ښوونځیو او د ډیجیټلي پلاټ فورمونو له لارې خپلو زدهکړو ته دوام ورکوي.
د ملالې بنسټ ویلي چې له «LEARN Afghanistan» په څېر بنسټونو سره په همکارۍ د افغان نجونو لپاره د بدېلو ښوونیزو پروګرامونو مالي ملاتړ کوي.
