۸صبح، کابل: له ۱۹ کلنو د کمعمره ځوانانو کرېکټ نړیوال جام په دویمه نیمهپایلوبه کې افغان لوبډلې هند ته د ۳۱۱ منډو موخه ورکړه.
دا لوبه نن چهارشنبه د سلواغې پر ۱۵مه د زیمبابوې په هراري کرېکټ لوبغالي کې کېږي.
افغان لوبډلې د ټاس له ګټلو وروسته د توپوهنې پرېکړه وکړه او په ټاکلو ۵۰ اورونو کې یې د څلورو لوبغاړو په زیان ۳۱۰ منډې جوړې کړې.
د افغانستان په ګټه فیصل شینوزاده ۱۱۰، عزیرالله نیازي ۱۰۱، عثمان سادات ۳۹، خالد احمدزي ۳۱ او عزیزالله میاخېل۱۲ منډې وکړې.
په توپ اچونې کې د هند په ګټه دیپیش دیویندران او کنشکا چوهان دوه دوه لوبغاړي وسوځول.
افغانستان په دغه جام کې تر دې دمه یوازې یوه لوبه پر سریلانکا بایللې او د جنوبي افریقا او وېسټ انډيز په ګډون یې څلورو لوبډلو ته ماتې ورکړې ده.
د یادونې ده چې د دغه جام په لومړي سیمي فاینل کې پرون انګلنډ لوبډلې استرالیا ته ماتې ورکړه.
روانه لوبه که هرې لوبډلې وګټله، په پایلوبه کې به له انګلنډ سره سیالي کوي.
