۸صبح، بدخشان: په بدخشان کې ځايي طالب چارواکي وايي چې د دغه ولایت په کوکچې سیند کې د اقتصاد پوهنځي یو محصل ډوب شوی او ساه یې ورکړې ده.
په بدخشان کې د اطلاعاتو او کلتور ریاست آمر حکمتالله محمدي سهشنبه د تلې پر ۳مه ویلي چې نوموړی د لامبو وهلو پرمهال ډوب شوی دی.
د محمدي په خبره، دا محصل عبدالرحمان نومېده او د ننګرهار اصلي اوسېدونکی و.
نوموړي زیاته کړې چې د سیمې اوسېدونکو له اوبو څخه د دغه محصل مړی رایستلی او کورنۍ ته به یې وسپارل شي.
د یادونې ده چې د سږني اوړي له پېل راهیسې د کوکچې په سیند کې د نجونو په ګډون ۱۰ کسان په اوبو کې له ډوبېدو وروسته مړه شوي دي.
